යක්ක ගැටුම් නැති කොට බුදු බලයට බැන්දූ
බුදු හිමිගෙ කේශ ධාතු තැන්පත් කොට සෑදූ
සාදු සාදු මහියංගන සෑ රද වදිනෙමි මම සාදු
නාගදීපය
දෙවන පාද ස්පර්ශ උතුරේ ලක තුල රැන්දු
නාග පිරිස සිරිපා සටහන් වට කොට සෑදූ
සාදු සාදු නාගදීප සෑ රද වදිනෙමි මම සාදූ
කැලණිය
බුදු බව ලැබ අටවන වෙසගේ දින සිරිපා රැන්දූ
දහම් දෙසූ මිණි සිහසුන නිධනින් සෑදූ
සාදු සාදු කැලණිය සෑ රද වදිනෙමි මම සාදූ
ශ්‍රී පාදස්ථානය
සිරිපා සලකුණු සමනොල කදු මත රැන්දු
දෙව් මිනිසුන් බුදු හිමි මෙන් වැන්දූ
සමනොල අපෙ මුණි සිරිපා වදිනෙමි මම සාදු
දිවා ගුහාව
දිවා ගුහාවට වැඩ සිරිපා කමලත රැන්දු
දෙව් ලොව දෙවියන් රහසින් පැදකුණු කොට වැන්දූ
දිවා ගුහා සිරි පා සටහන් වදිනෙමි මම සාදු
දීඝවාපිය
සමවත් සුවයෙන් බුදු හිමි වැඩ හින් දු
ආසන වටකොට වෙහෙරක් සෑදූ
දීඝවාපි සෑ රද වදිනෙමි සාදු
මුතියංගනය
මුතියංගන පෙදෙසට වැඩි සමිදු
වැඩහුන් ආසන වටකොට බැන්දූ
මුතියංගන සෑ වදිනෙමි සාදු
තිස්සමහාරාම වෙහෙර
පුන්සද වන් ලලාට ධාතුන් නිදනින් සැදූ
රුහුණට මහ සෑ මෙන් නම රැන්දූ
තිස්ස සෑ රද මම වදිනෙමි සාදු
ශ්‍රී මහා බෝධිය
බෝධි පලමු අංකුර ගෙන සගමිත් තෙරණිදු
මහමෙව්නාවේ රෝපිත බෝ රදු
සාදු සාදු වදිනෙම් මම සිරිමහ බෝ රදු
මිරිසවැටිය
මිරිස වැටිය සිහිවී මහ සසුනට පිදූ
පෙර වූ සපථය කඩ වුව කමා ලද්දූ
මිරිසවැටිය සෑ වදිනෙමි මම සාදූ
රුවන්වැලිසෑය
ද්‍රොණයක් බුද්ධ ධාතු නිදනින් සෑදූ
ලොවටම බුදු රැස් බල විහිදූ
රන්මැලි මහ සෑ වදිනෙමි සාදූ
ථූපාරාමය
මිහිදු හිමිගෙ අනුශාසන මත සෑදූ
බුදු හිමිගෙ දකුණු අකු ධාතු නිදනින් සෑදූ
ථූපාරාම සෑ රදු වදිනෙමි සාදූ
අභයගිරිය
වලගම්බා රජු කරවා සසුනට පිදූ
ගිරි නිගන්ඨ ආරාමය තිබු තැන්හි සෑදූ
අහයගිරි සෑ රදු වදිනෙමි සාදු
ජේතවනාරාමය
මහසෙන් නිරිදුන් කරවා සසුනට පිදූ
බුදු හිමි පටී ධාතු නිදනින් සෑදූ
ජේතවන සෑ රදු වදිනෙමි මම සාදූ
සේල චෛත්‍ය
වටදාගෙයකින් වට කොට සෑදූ
මිහින්තලාවේ වැඩ සිටිනා සෑ රදු
මම නමදිම් උත්තම සේල සෑ රදු
කිරි වෙහෙර
අෂ්ඨ ඵල මහ බෝධි සිහිලස ලදු
මංගල මහ සෑ නම් ලද සෑ රදු
මම නමදිමි කිරිවෙහෙර මහ සෑ රදු
No comments:
Post a Comment